დეპუტატების შეხვედრა ლენჯერისის მოსახლეობასთან

14 July, 2020

როგორც მოგეხსენებათ, მესტიის მუნიციპალიტეტის საკრებულოში შემოსულია მუნიციპალიტეტის მერის ინიციატივა სახელწოდების არ მქონე ორი გეოგრაფიული ობიექტისთვის სახელების მინიჭების თაობაზე, რასთან დაკავშირებითაც, დღეს მესტიის მუნიციპალიტეტის საკრებულოს დეპუტატები შორენა ცინდელიანი, მაია ხორგუანი და როდამ გვარმიანი ლენჯერის თემის მოსახლეობის წარმომადგენლებს შეხვდნენ, ინიციატივასთან დაკავშირებით დამსწრე მოქალაქეების შეხედულებებს მოისმინეს და საკითხის განხილვის პროცედურები გააცნეს.

ინიციატივა გულისხმობს საავტომობილო გზის მონაკვეთისთვის, რომელიც წარმოადგენს სახელმწიფო მნიშვნელობის ცენტრალურ მაგისტრალს და მისი საწყისი წერტილია მუხრან შუკვანის ქუჩის დასაწყისი, კოორდინატებით 310562;4766764, ლენჯერის შემოსასვლელამდე (საბოლოო წერტილის კოორდინატები 311403;4767043), ეწოდოს ლეო ფილფანის სახელი.

მეორე ობიექტს, რომელსაც ასევე უნდა მიენიჭოს სახელი მდებარეობს ლენჯერის ტერიტორიულ ერთეულში, საწყისი წერტილია მუხრან შუკვანის ქუჩა (კოორდინატებით 312465;4767606) გაივლის სოფელ ლაშთხვერს და მთავრდება სოფელ ქაშვეთის ბოლოში (საბოლოო წერტილის კოორდინატები 311937;4766863) ეწოდოს შამილ ფილფანის სახელი.

Share page