მესტიის მუნიციპალიტეტში წვირმის ადმინისტრაციული ერთეულის სოფ. იელის საავტომობილო გზის რეაბილიტაცია მიმდინარეობს.

სამშენებლო სამუშაოების სახელშეკრულებო ღირებულება 15 434 425 (თხუთმეტი მილიონ ოთხას ოცდათოთხმეტი ათას ოთხას ოცდახუთი) ლარს შეადგენს. საპროექტო მონაკვეთების საერთო სიგრძე 10 038 გრძ. მეტრია.

აღნიშნული გზა ადგილობრივი მნიშვნელობის არის და სოფ. იელიში ძირითად მისასვლელ საავტომობილო გზას წარმოადგენს. საპროექტო მონაკვეთი გაივლის კურორტ ჰეშკილის გზის მონაკვეთს, ძირითადი მონაკვეთი კი გადის დაუსახლებელ პუნქტზე.

არსებული საავტომობილო გზის საფარი გრუნტისაა, საჭიროა ახალი ნაგებობების მონტაჟი. პროექტის ფარგლებში მოეწყობა არმირებული ცემენტობეტონის საფარი. მიმდინარე წელს იგეგმება 1500 მ. გზის მონაკვეთის რეაბილიტაცია .

ამ ეტაპზე მიმდინარეობს სამშენებლო მოედნის მოწყობა, ტრასის აღდგენა, სამშენებლო მოედნის მოხრეშვა-მოშანდაკება, 300 მეტრზე უკვე დაგებულია ბეტონის საფარი.

სამშენებლო სამუშაოებს ელექტრონულ ტენდერში (NAT240001493) გამარჯვებული კომპანია შპს „ბიელი“ ასრულებს.