მესტიის მუნიციპალიტეტის მერიის მიერ გამოცხადებულია სტაჟირება შემდეგ პოზიციებზე:

⇒ ინფრასტრუქტურის განვითარებისა და არქიტექტურის სამსახურის პროექტების მართვის განყოფილების სტაჟიორი

ადგილების რაოდენობა: 2

ფუნქციები: პროექტების შემუშავებაში დახმარება; პროექტების განხორციელების მონიტორინგი და შეფასება.

⇒ სოციალური, ჯანმრთელობის, ბავშვთა უფლებების დაცვისა და მხარდაჭერის განყოფილების სტაჟიორი

ადგილების რაოდენობა: 2

ფუნქციები: მოქალაქეთა განცხადებების შესწავლა; არსებული მუნიციპალური პროგრამების განხორციელებაში დახმარების გაწევა.

 ⇒ ზედამხედველობისა და მუნიციპალური ინსპექციის სამსახურის მუნიციპალური ინსპექციის განყოფილების სტაჟიორი

ადგილების რაოდენობა: 3

ფუნქციები: მოსახლეობის კორესპოდენციების შესწავლა; კონტროლი გარე ვაჭრობაზე; მოსაკრებლების კონტროლი; ადმინისტრაციულ სამართალდარღვევათა გამოვლენა-რეაგირება.

სტაჟირების მსურველმა პირმა უნდა წარადგინოთ:

•  პირადობის მოწმობის ასლი;
•  ინფორმაცია სწავლების საფეხურის შესახებ და აკადემიური მოსწრების შესახებ;
•  სამოტივაციო წერილი.

შეგახსენებთ, საჯარო დაწესებულებაში სტაჟირების სახელმწიფო პროგრამა საქართველოს პრემიერ-მინისტრის ინიციატივით მიმდნარეობს. სახელმწიფო დაწესებულებაში სტაჟიორად შეიძლება მიღებულ იქნეს საქართველოს ქმედუნარიანი მოქალაქე, რომელიც აკმაყოფილებს შემდეგ მოთხოვნებს:

• იცის სახელმწიფო ენა;
•  სწავლობს უმაღლესი განათლების პირველ საფეხურზე (დამამთავრებელი სასწავლო წლის შემთხვევაში) ან მეორე საფეხურზე ან დასრულებული აქვს უმაღლესი განათლების პირველი ან მე-2 საფეხური 2023-2024 სასწავლო წლის გაზაფხულის სემესტრში;
•  შერჩევის მნიშვნელოვან კრიტერიუმად განისაზღვრება სტაჟირების მსურველი პირის აკადემიური მოსწრება (GPA 2.8-4.0 ან/და ქულათა სისტემა – 71-100 ქულის მაჩვენებელი) – გასაუბრებისას თანაბარი კანდიდატების შემთხვევაში უპირატესობა მიენიჭება უმაღლესი მოსწრების კანდიდატებს.

განცხადებების მიღების ბოლო ვადა 08.08.2024-ია.

დაწვრილებითი ინფორმაცია შეგიძლიათ იხილოთ საჯარო სამსახურის ბიუროს ვებ-გვერდზე: https://www.hr.gov.ge/ (<ვაკანსიის ძებნის> ველში, <აირჩიეთ დამსაქმებელში> მიუთითეთ მესტიის მუნიციპალიტეტის მერია).