ქცევის ანალიზის, სტრატეგიისა და კომუნიკაციების გუნდმა (BISC Partners), ადგილობრივი თვითმმართველობის პროგრამის -„მუნიციპალური შემოსავლების და მომსახურების მიწოდების გაძლიერება ქცევითი მეცნიერების გამოყენებით“ ფარგლებში, სამუშაო შეხვედრა გამართა მესტიის მუნიციპალიტეტის წარმომადგენლებთან.

შეხვედრას ესწრებოდნენ ადგილობრივი თვითმმართველობის ხელმძღვანელი პირები, ადგილობრივი პოლიტიკის, სტრატეგიებისა თუ სერვისების შემუშავებაში ჩართული მეხელეები, ადგილობრივი აქტივისტები, თემის ლიდერები და სხვადასხვა სახელმწიფო დაწესებულებებისა და კომუნალური კომპანიების

წარმომადგენლები.

პროგრამას აშშ-ს საერთაშორისო განვითარების სააგენტოს მხარდაჭერით, Tetra Tech ARD ახორციელებს. აღნიშნული ინიციატივა, მიზნად ისახავს მესტიის მუნიციპალიტეტში მუნიციპალური შემოსავლების გაზრდის ხელშეწყობას, ქცევითი მეცნიერებაზე დაფუძნებული მიდგომების (ქცევითი ინსიათების) გამოყენებით.

ქცევითი ინსაითების მეთოდოლოგია საერთაშორისოდ აპრობირებული ინსტრუმენტია იმ საზოგადოებრივი თუ ორგანიზაციული პრობლემების გადასაჭრელად, რომელიც მოითხოვს ადამიანთა მობილიზებასა და გრძელვადიან,

მდგრად ცვლილებებს სოციალურ ნორმებსა და ადამიანთა ქცევაში.

აღნიშნული ინიციატივის ფარგლებში, განხორციელდება ადგილობრივი მოსახლეობის ქცევის მამოძრავებელი ფაქტორების კვლევა, რაც გააუმჯობესებს მუნიციპალიტეტის საქმიანობის ეფექტიანობასა და ეფექტურობას.