3 აპრილს, საქართველოს რეგიონული განვითარებისა და ინფრასტრუქტურის  სამინისტრო გეგმავს საჯარო შეხვედრებს მესტიის მუნიციპალიტეტის ადგილობრივ მოსახლეობასთან, მაღალმთიანი რეგიონების განვითარების პოლიტიკის ფარგლებში.

საჯარო შეხვედრების ფორმატი ითვალისწინებს, საქართველოს რეგიონული განვითარებისა და ინფრასტრუქტურის, გარემოს დაცვისა და სოფლის მეურნეობის სამინისტროების, ასევე „აწარმოე საქართველოში“ სააგენტოს, საქართველოს ტურიზმის ეროვნული ადმინისტრაციის და საქართველოს სავაჭრო-სამრეწველო პალატის წარმომადგენლების მიერ შესაბამისი მოხსენების წარდგენას.

სასურველია შეხვედრას დაესწროს როგორც ადგილობრივი მოსახლეობა, ასევე ადგილობრივი საზოგადოებრივი ორგანიზაციების, ბიზნეს სექტორის, ფერმერული მეურნეობისა და ადგილობრივი თვითმმართველობის წარმომადგენლები.

გთავაზობთ „საქართველოს მაღალმთიანი დასახლებების განვითარების სტრატეგია 2019-2023“-ის პროექტის ბმულს და მოგიწოდებთ მონაწილეობა მიიღოთ და აქტიურად ჩაერთოთ პროექტის განხილვის პროცესში.

შეხვედრა გაიმართვება 3 აპრილს მესტიის ეთნოგრაფიული მუზეუმის საკონფერენციო დარბაზში, 12 საათზე.