ხვალ, 24 სექტემბერს, მონაცემთა გაცვლის სააგენტო, მესტიის მუნიციპალიტეტის ადგილობრივ მოსახლეობასთან ჩაატარებს საინფორმაციო შეხვედრას ელექტრონული მმართველობის საკითხებზე, მათ შორის, ელექტრონული ხელმოწერისა და ელექტრონული სერვისების ერთიანი პორტალის - www.mygov.ge-ს შესახებ. სააგენტოს მიზანს წარმოადგენს აღნიშნული საკითხის პოპულარიზება.
დაინტერესებულ მოქალაქეებს შეგიძლიათ დაესწროთ შეხვედრას, მესტიის მუნიციპალიტეტის ადგილობრივი თვითმმართველობის სააქტო დარბაზში 11:00 საათზე.