ფარის ადმინისტრაციულ ერთეულში, სოფლის მხარდაჭერის პროგრამის ფარგლებში, დასახლების საერთო კრება გაიმართა.

ფარის თემი 12 სოფელს/დასახლებას აერთიანებს. თითოეული სოფლისთვის განსაზღვრული თანხა სოფლის მხარდაჭერის სახელმწიფო პროგრამის ფარგლებში 10.000 ლარს შეადგენს.

ადგილობრივმა მოსახლეობამ პროგრამის ფარგლებში განსახორციელებლად შემდეგი პროექტები შეარჩია:

 ზედა ლუჰა - სასმელი წყლის რეზერვუარის მოწყობა და მჟავე წყლისკენ მიმავალი გზის გაყვანა;

 ქვედა ლუჰას და ყვანას მოსახლეობამ თანხები გააერთიანა და წყლის წისქვილის აშენება გადაწყვიტა;

 ფარის მოსახლეობის უმრავლესობის მიერ შეირჩა - შიდა გზის რეაბილიტაცია და სოფლის სასაფლაოების შემოღობვის პროექტები;

 კაცხის და სვიფის მოსახლეობამ გაერთიანებული პროექტი - გზის რეაბილიტაცია-გაფართოება შეარჩია;

 ღეშდერი, ხოსრარის, ლაყვრის და ფალედის მოსახლეობამ თანხების გაერთიანებით საერთო სარგებლობის შიდა გზის რეაბილიტაცია გადაწყვიტა;

 ლამხერი - სოფელ ლამხერამდე მისასვლელი შიდა გზის რეაბილიტაცია;

 ზაგარი - სავარგულებისკენ მიმავალი სამეურნეო დანიშნულების გზის გაჭრა;

 აღსანიშნავია ფარის ადმინისტრაციული ერთეულის მოსახლეობის გამორჩეული აქტიურობა - ფარიდან შემოსული იყო 20 წინასწარი საპროექტო განაცხადი.

 თითოეულ პროექტზე ჩატარდა ღია კენჭისყრა და განსახორციელებელი პროექტები ხმათა მარტივი უმრავლესობით შეირჩა.

 შეგახსენებთ, რომ ფარი ერთ-ერთია მესტიის მუნიციპალიტეტის იმ 5 ადმინისტრაციული ერთეულიდან რომელიც მონაწილეობას იღებს „სოფლის მხარდაჭერის სახელმწიფო პროგრამის მონაწილეობითი მონიტორინგის“ პროექტში, რომელსაც ზემო სვანეთის ადგილობრივი განვითარების ჯგუფი - LAG-ი ახორციელებს მესტიის მუნიციპალიტეტის მერიასთან პარტნიორობით.