დაუნის სინდრომის საერთაშორისო დღე მესტიაში
21 მარტს მსოფლიო დაუნის სინდრომის საერთაშორისო დღეს აღნიშნავს.
კახა ფალიანის სახელობის სარეაბილიტაციო ცენტრის აღსაზრდელებს, დღევანდელი დღე ადგილობრივი თვითმმართველობის წარმომადგენლებმა მიულოცეს.
საკრებულოსა და მერიის წარმომადგენლებმა პატარებს გადასცეს როგორც ინდივიდუალური სასაჩუქრე შეფუთვები, ასევე ჯგუფური აქტივობებისთვის გათვალისწინებული შემეცნებითი და გასართობი ნივთები.
სარეაბილიტაციო ცენტრში ფუნქციონირებს ფიზიოთერაპიის კაბინეტი სამჯურნალო მასაჟებით და სენსორული თერაპიის ოთახი. ცენტრში 12 შშმ მოზარდი სწავლობს, მათ შორის არიან დაუნის სინდრომის მქონე ბავშვები. თითოეულ მოსწავლეზე მორგებულია განვითარების ინდივიდუალური სწავლების გეგმა.