ა(ა)იპ „მესტიის მუნიციპალიტეტის მთავარი ბიბლიოთეკის“ ორგანიზებით კულტურულ-შემეცნებითი საღამო, სახელწოდებით „მთის პოეზია“ ჩატარდა. ღონისძიება 12 დეკემბერს, მესტიის ლეო ფილფანის სახელობის თეატრში შედგა.

შემოქმედებით საღამოზე მონაწილეობა მესტიის წმინდა ილარიონ ქართველის სკოლა-გიმნაზიის, ეცერის, ლენჯერის N1 საჯარო სკოლის მოსწავლეებმა და ფარის ბიბლიოთეკის ნორჩმა მკითხველებმა მიიღეს.

მონაწილე სკოლების აღსაზრდელებმა, შთამბეჭდავი ემოციებით წარმოადგინეს ქართველი მთის პოეტების, გენიალური ვაჟა-ფშაველას და გოდერძი ჩოხელის შემოქმედებიდან ბრწყინვალე კომპოზიციები, პერფორმანსები და მათი ბიოგრაფიის ამსახველი ეპიზოდები.

ღონისძიების დასასრულს „მესტიის მუნიციპალიტეტის მთავარი ბიბლიოთეკის“ დირექციისგან მონაწილე სკოლებს პატივისცემის და მადლიერების ნიშნად გადაეცათ წიგნები და სასაჩუქრე პაკეტები, ასევე თეატრის გარე სივრცეში მოეწყო ფოიერვერკი.

აქვე აღსანიშნავია განსაკუთრებული მონდომება და ძალისხმევა „მესტიის მუნიციპალიტეტის მთავარი ბიბლიოთეკის“, რომელიც განსაკუთრებით ბოლო დროს შემოქმედებითი საღამოებით ანებივრებს წიგნის მოყვარულ საზოგადოებას და ამ მნიშვნელოვან საქმეში ჩართული ყავს მესტიის მუნიციპალიტეტის სხვადასხვა სკოლის მოსწავლეები. წიგნიერებიის ამაღლება ნამდვილად საჭირო და მნიშვნელოვანია ჩვენი მომავალი თაობის განვითარებისთვის.