19 თებერვალს, ზურულდის მთაზე, მთამსვლელისა და მესტიის მთის გუნდის მაშველის, ლაშა ჯაფარიძის სახელობის თასი ჩატარდება.

შეჯიბრება გიგანტური სლალომის დისციპლინაში შედგება და მასში მონაწილეობა 18+ ასაკის ნებისმიერ მსურველს შეუძლია, პროფესიონალი სპორტსმენების გარდა.

სამოყვარულო შეჯიბრება ლაშა ჯაფარიძის ხსოვნის პატივსაცემად იმართება და მისი მიზანია: სამთო-სათხილამურო სპორტის პოპულარიზაცია, ახალგაზრდებისთვის მოტივაციის შექმნა და ზამთრის ტურიზმის მხარდაჭერა სვანეთში .

ზურულდის სასრიალო არეალი, მესტია

რეგისტრაცია ადგილზე, 10:00-დან 12:00 საათამდე

სტარტი - 12:45სთ.