ფარის ინოვაციური ცენტრის (ხელმძღვანელი ეკატერინე წულუკიძე) მიერ ორგანიზებულ "მე ციფრულ სამყაროში" კონკურსის ფარგლებში სხვადასხვა სკოლის მოსწავლეებმა გაიარეს 6 კვირიანი სასწავლო კურსი WEB 2.0 ინსტრუმენტების გამოყენების მიმართულებით.

კურსის დასრულების შემდეგ, გამოცხადდა კონკურსი „საუკეთესო ვებ-გვერდის ავტორი“.

წვირმის საჯარო სკოლის ციფრულმა კლუბმა "Kybber mirror" (ხელმძღვანელი სოფია ქუხილავა) დაამზადა სვანი მხატვრის, ფრიდონ ნიჟარაძის ვებ-გვერდი, მისივე ნახატების ფოტომასალით გაფორმებული კალენდარი და წარადგინა კონკურსზე, რომელსაც კომპეტენტური ჟიურის წევრები წინასწარ შემუშავებული კრიტერიუმებით აფასებდა.

კონკურსში მონაწილეობდა მესტიის მუნიციპალიტეტის ექვსი და მარნეულის მუნიციპალიტეტის სოფელ ხოჯორნის სკოლა.

კონკურსი ითვალისწინებდა რამდენიმე ადგილს, მათ შორის ერთი იყო საპრიზო ადგილი, რომელიც სოციალურმა საწარმო "მზეკომ" დააწესა.

კონკურსში წვირმის საჯარო სკოლა სოციალური საწარმოს რჩეული გახდა .

მათ გადაეცათ ფულადი ჯილდო კლუბის საქმიანობის განვითარებისთვის.

მოგებული თანხით კლუბმა ფრიდონ ნიჟარაძის ხსოვნის პატივსაგებად დაბეჭდა კალენდრები,

ხოლო შემოსული თანხით კლუბმა დაბეჭდა ბლოკნოტები, ასევე ფრიდონ ნიჟარაძის ნახატებით გაფორმებული.

(აღნიშნული ბლოკნოტები გაყიდვაშია).

ვულოცავთ საპრიზო ადგილზე გასულ სკოლებს წარმატებას და ვუსურვებთ უამრავ გამარჯვებას.