მიხეილ ხერგიანის ხსოვნისადმი მიძღვნილი 87 წლის იუბილე
28 მარტს, მიხეილ ხერგიანის სახელობის მესტიის N2 საჯარო სკოლაში, ცნობილი მთამსვლელის, სპორტის საერთაშორისო ოსტატის, მიხეილ ხერგიანის ხსოვნისადმი მიძღვნილი ღონისძიება გაიმართა. მ. ხერგიანის სახელობის სკოლის აღსაზრდელებმა, დამსწრე საზოგადოებას კიდევ ერთხელ შეახსენეს "კლდის ვეფხვად" წოდებული მთამსვლელის ცხოვრების მნიშვნელოვანი ეპიზოდები, წაიკითხეს ქართველ მთამსვლელზე დაწერილი ლექსები, შესრულდა მიხეილ ხერგიანზე დაწერილი სიმღერები. სპორტის ოსტატის ცხოვრებაზე და დამსახურებაზე ისაუბრეს ასევე მიშას კოლეგებმა და თანამოქალაქეებმა. ღონისძიების ფარგლებში მოეწყო ქართველ ალპინისტზე გადაღებული დოკუმენტური ფილმის ჩვენება.
კიდევ ერთხელ შეგახსენებთ, რომ მრავალგზის ოქროს მედლის მფლობელი, საერთაშორისო კლასის სპორტის ოსტატი, დამსახურებული მწვრთნელი, ჩვენი საამაყო მამულიშვილი, მიხეილ ხერგიანი დაიბადა დაბა მესტიაში, 1932 წლის 23 მარტს და 37 წლის ასაკში, იტალიაში, სუალტოს მწვერვალის დაპყრობისას გარდაიცვალა.
