თვითმმართველობაში მიმდინარე პროცესების გამჭვირვალობისა და მოქალაქეთა ჩართულობის მიზნით, გაცნობთ მესტიის მუნიციპალიტეტის საკრებულოს კომისიების სამოქმედო გეგმებს და მოგახსენებთ, რომ სამოქმედო გეგმების საჯარო განხილვა ჩატარდება 11 აპრილს, მისამართზე: სეტის მოედანი N1.

 ადგილობრივი თვითმმართველობის ადმინისტრაციული შენობა, საკრებულოს სხდომათა დარბაზი.

 სამუშაო გეგმების პრეზენტაცია მოხდება საკრებულოს კომისიების თავმჯდომარეების მიერ (შორენა ცინდელიანი, მაია ხორგუანი, ბაჩუკ ნაკანი, ზაზა ფალიანი).

განხილვებზე ვიწვევთ დაინტერესებულს პირებს, სამოქალაქო სექტორის წარმომადგენლებს, რომელთაც მიეცემათ საშუალება გამოთქვან მოსაზრებები სამუშაო გეგმებთან დაკავშირებით (ყველა კომისიის გეგმის წარდგენა, სავარაუდოდ, 2-3 საათი გაგრძელდება). 

  კომისიების მიერ ამ სამოქმედო გეგმების დამტკიცებამდე, აუცილებელია, მათი საჯაროდ განხილვა. საჯარო განხილვებისას უნდა მოხდეს სამოქმედო გეგმების პრეზენტაცია კომისიის თავმჯდომარეების მიერ. 

იმისათვის, რომ საჯარო განხილვაზე წარმოდგენილმა დაინტერესებულმა პირებმა მოგვაწოდონ შესაბამისი მოსაზრებები, მათ საშუალება ეძლევათ წინასწარ გაეცნონ გეგმების პროექტებს მესტიის მუნიციპალიტეტის საკრებულოს ვებ გვერდზე www. mestia.gov.ge. 

  პროექტის წინასწარი გაცნობა დაზოგავს საჯარო განხილვის პროცესის დროს და დაინტერესებულ პირებს მისცემს საშუალებას მოამზადონ რეკომენდაციები საჯარო განხილვებზე წარმოსადგენად. 

შესაბამისად, ეს გეგმები არ წარმოადგენს დასრულებულ სახეს, ვინაიდან, თუ საზოგადოების მხრიდან რაიმე სახის შენიშვნა, რეკომენდაცია, მოსაზრება, ან შემოთავაზება იქნება, ეს გეგმებიც მოდიფიცირდება. 

  კომისიების სამუშაო გეგმები იხილეთ ქვემოთ მოცემულ ლინკზე

https://mestia.gov.ge/ge/node/1492/