თვითდასაქმების ხელშეწყობის მიზნით დევნილებსა და ეკომიგრანტებს გრანტები გადაეცემათ
მიმდინარეობს განაცხადების მიღება „დევნილთა და ეკომიგრანტთა თვითდასაქმების ხელშეწყობის საგრანტო პროგრამის“ ფარგლებში. განცხადებები მიიღება 15 სექტემბრის ჩათვლით.
პროგრამაში მონაწილეობის მიღება შეუძლით, დევნილს ან ეკომიგრანტს, რომელიც ფლობს თვითდასაქმებად პროფესიას, აღნიშნულის დასადასტურებლად უნდა წარმოადგინის კვალიფიკაციის ან მუშაობის გამოცდილების დამადასტურებებლი დოკუმენტაცია.
პროგრამის ფარგლებში თვითდასაქმების მიზნით, დევნილს/ეკომიგრანტს შეუძლია მოითხოვოს სახელობო იარაღები, მაქსიმუმ 4 ნივთი 2000 ლარის ფარგლებში, ამასთანავე ერთეულის ღირებულება არ უნდა იყოს 150 ლარზე ნაკლები.
პროგრამაში მონაწილეობისთვის დაინტერესებულმა პირმა უნდა შეავსოს პროგრამის ფარგლებში შემუშავებული გსაგრანტო განაცხადი და თანდართულ დოკუმენტაციასთან ერთად წარმოადგინოს სააგენტოში ან სააგენტოს ტერიტორიულ სამმართველოებში, შემდეგ მისამართებზე
- თბილისი, თამარაშვილი ქუჩა #15ა
- გორი, სამების ქუჩა #1
- რუსთავი, კოსტავას ქუჩა #20
- ქუთაისი, აბაშიძის გამზირი #27
- ზუგდიდი, აღმაშენებლის ქუჩა #106
განაცხადის გაგზავნა შესაძლებელია სააგენტოს ოფიციალურ ელექტრონულ ფოსტაზეც - info@idp.gov.ge
⇒ განაცხადის ფორმა
⇒ თვითდასაქმებადი პროფესიების სია