ცხელი ხაზი:+(995) 595 08 95 30 +(995) 599 85 55 25 მიმდინარეობს საიტის განახლება

უშგულში 6 კოშკს რეაბილიტაცია ჩაუტარდა

30 ნოემბერი, 2022

კულტურული მემკვიდრეობის დაცვის ეროვნულმა სააგენტომ უშგულში კიდევ 6 კოშკს რეაბილიტაცია ჩაუტარა

საქართველოს კულტურის, სპორტისა და ახალგაზრდობის სამინისტროს სსიპ კულტურული მემკვიდრეობის დაცვის ეროვნული სააგენტოს ეგიდით, მესტიის მუნიციპალიტეტის უშგულის თემში რთულ მდგომარეობაში მყოფი კიდევ ექვსი სვანური კოშკი აღადგინეს: მესტიის მუნიციპალიტეტის უშგულის თემის სოფელ მურყმელში ემზარ კაკრიაშვილისა და თამარ ღვაჩლიანის, სოფელ ჟიბიანში ზამირ რატიანისა და შურა ნიჟარაძის, ხოლო სოფელ ჩაჟაშში მარინე და მურმან ნიჟარაძეების კოშკები რეაბილიტირდა. სამუშაოები ჩაუტარდა კოშკების კედლებს, გაკეთდა გადახურვისთვის საჭირო ხის კონსტრუქციები, შეიფიცრა სახურავი, შესაძლებელი გახდა ხის მასალის ცეცხლდაცვა, ჰიდროიზოლაცია, სახურავის ფიქლით დაფარვა, გაკეთდა სართულშორისი გადახურვები. სამუშაოების ღირებულება სულ 324 281 ლარია.

გააზიარე